Anna og fjölskylda flutti til Hafnar veturinn 2019-2020 og upplifðu þau strax notalegt viðmót frá íbúum bæjarins. Fjölskyldan kom sér fyrir í íbúð með stórkostlegu útsýni yfir sjálfan Hornafjörðinn þar sem skemmir ekki fyrir að geta fylgst með selum út um eldhúsgluggann á meðan maður nýtur kaffibollans á morgnana. Nokkuð er um ósnortna náttúru í grennd við heimili Önnu, og er m.a. hægt að finna marga staði þar sem hægt er að upplifa dásamlegt fuglalíf, víðerni og fjölbreytt gróðurfar innan bæjarmarkanna.
![](https://b1156046.smushcdn.com/1156046/wp-content/uploads/2020/07/14.7.a.Maren-Péturs-1024x768.jpg?lossy=1&strip=1&webp=1)
Það er fleira en ósnortin náttúran sem heillar á Höfn, en á ferðum Önnu um bæjarlandið hefur hún rekist á falda gullmola. Um er að ræða gersemar sem fólk almennt keppist við að leggja hendur á og hér höfum við meira en nóg fyrir alla!
Já, Anna er auðvitað að tala um rabarbara!
![](https://b1156046.smushcdn.com/1156046/wp-content/uploads/2020/07/101736620_10159920412690884_5343474743130033632_o-1024x768.jpg?lossy=1&strip=1&webp=1)
Á einhverjum tímapunkti settu góðhjartaðir hafnarbúar niður rabarbara á opnum svæðum, sem leiddi til þess að í dag geta íbúar notið góðs af því framtaki. Sem íbúi í blokkaríbúð fagnar Anna framtakinu, enda finnst henni ómetanlegt að komast í rabbarbara. Í einni hjólaferðinni um bæinn týndi hún nokkra rabbarbara og bakaði þessa gómsætu rabbarbaraböku í eftirrétt. Dásamlegt!
Anna hvetur íbúa til þess að halda áfram að deila með hverjum öðrum og njóta saman!